Naniniwala ang peace advocate sa pahayag ni ARMM Governor Mujiv Hataman na Abu Sayyaf ang nasa likod ng magkasunod na pambobomba sa Our Lady of Mount Carmel Cathedral.
Ayon kay Professor Octavio Dinampo ng Mindanao State University-Jolo, noon pang isang taon natunugan ng intelligence operatives ng militar ang plano ng ASG na magsagawa ng pambobomba sa kabisera ng Sulu.
Sa katunayan ay isinara pa ng AFP ng 20 araw ang kalsada sa tapat ng simbahan upang mapigilan ang posibleng pag-atake ng teroristang grupo.
Gayunman, nalusutan pa rin anya ang mga otoridad kahit may umiiral na martial law sa Mindanao.
Idinagdag ni Dinampo na malinaw na isang uri ng terorismo ang panibagong pambobomba.
Dahil sa lakas ng pagsabog, narinig ito hanggang bayan ng Indanan, Sulu na tatlong kilometro mula sa blast site sa Jolo.
