Winelcome ng Malakaniyang ang resulta ng survey ng Social Weather Stations (SWS) na anamnestic comparative self-assessment na nagsasabing siyam sa bawat 10 adult Pilipino o 86% ang nagsabi na naging positibo ang kanilang pamumuhay sa huling quarter ng 2018.
Sinabi ni Presidential Spokesman Salvador Panelo na halos kapareho lamang ang nasabing figure noong December 2017 na 87% sa mga Pinoy ang nagsabing positibo ang kanilang pamumuhay.
Binigyang diin pa ni Panelo na hindi matatawaran ang pagtatrabaho ng Pangulong Rodrigo Duterte at kaniyang gabinete para matiyak lamang na mabibigyan ng kumportableng pamumuhay ang bawat Pilipino na hindi aniya nakikita ng mga kritiko ng Pangulo.
Bagamat abala aniya ang Pangulo sa pagpapanatili sa peace and order sa bansa hindi naman nito nakakaligtaan ang pagpapahalaga sa pundasyon ng bawat pamilya at ito ay ang pagpupursigeng socio development programs.
Halimbawa na lamang ayon kay Panelo ang paglagda ng Pangulo sa mga batas na sagip saka, Pantawid Pamilyang Pilipino Program at magna carta of the poor na malaking tulong para sa mga mahihirap gayundin ang pamamahagi ng Pangulo ng certificates of land ownership awards sa libu-libong manggagawa. — sa ulat ni Jopel Pelenio (Patrol 17)