Tiwala ang walo sa bawat sampung Pinoy na nagagampanan ng media sa bansa ang kanilang tungkulin.
Batay ito sa survey na isinagawa ng Washington-based Think Tank na Pew Research Center kung saan pinulsuhan ang mga mamamayan sa may 38 bansa kung ano ang kanilang pagtingin sa mga alagad ng media.
Lumalabas na 88 porsyento ng mga Pilipino ang naniniwalang maayos ang ginagawang pagbabalita sa mga mahahalagang kaganapan sa bansa gaya ng mga ulat na may kinalaman sa opisyal ng pamahalaan.
Ang naturang survey ay ginawa ng Pew kaugnay ng patuloy na paglaganap ng fake news at bahagi na rin ng kanilang kampanya kontra sa mga maling impormasyon sa mainstream at social media.
—-