Aabot sa 70 pulis sa Metro Manila ang nasa watchlist ngayon ng National Capital Region Police Office o NCRPO.
Ayon kay NCRPO Chief Oscar Albayalde, hinihinalang sangkot ang mga nasabing pulis sa iligal na droga, extortion at kidnapping.
May ranggong PO1 hanggang SPO1 ang kanilang mga binabantayan.
Karamihan sa mga ito ay miyembro ng Manila Police District at Quezon City Police District.
Hindi naman aniya tinanggal sa puwesto ang 70 pulis na ito habang kumakalap pa ng sapat na ebidensya ang NCRPO para patunayan ang mga katiwalian ng mga ito.
Aminado si Albayadle, na may mali sa proseso ng recruitment kaya’t nakakapasok sa hanay ng PNP ang mga tiwaling pulis.
—-