Nasa 65 baboy ang nakumpiska ng mga otoridad sa dalawang bayan sa lalawigan ng Pangasinan.
Ayon sa report, galing umano sa lalawigan ng Bulacan ang mga nakumpiskang baboy.
Bagamat sinasabing maayos ang mga ito, hindi pa rin umano nakasisiguro na ligtas ito sa African Swine Fever (ASF) dahil hindi ito dumaan sa inspeksyon.
Pinaniniwalaang ipinuslit lamang ito mula sa Bulacan at idinaan sa mga maliliit na lansangan hanggang makarating sa Pangasinan.
Matatandaang naglabas na ng ban sa pagpapasok ng mga swine products ang lokal na pamahalaan ng naturang lalawigan matapos makumpirma ang presensya ng ASF sa ilang lugar sa bansa.