Nasabat ng Philippine Drug Enforcement Agency (PDEA) ang nasa 6.8 milyong halaga ng shabu sa isang buy bust operation sa Zamboanga City.
Ayon kay Jury Rocamora ng PDEA-9, isang buwan na nilang minamanmanan ang tatlong naarestong suspek kabilang ang isang babae.
Kapareho aniya ang packaging ng droga na kanilang nakuha sa mga suspek na dati rin nilang nasabat sa isang buy bust operation sa Barangay Tumaga.
Sa kanila umanong pag-iimbestiga, nabatid nila na ang naturang packaging ay mula sa ibang bansa na kabilang sa Golden Triangle, katulad ng Myanmar at Thailand.
Nahaharap ang tatlong suspek sa paglabag sa Comprehensive Dangerous Act of 2002.
