Limang insidente ng pagpatay ang tinitignan ngayon ng Philippine National Police na posibleng may kaugnayan sa magaganap na halalang pambarangay at Sangguniang Kabataan sa Mayo.
Ayon kay PNP Spokesman Chief Superintendent John Bulalacao , pawang mga opisyal ng barangay ang biktima o di naman kaya ay suspek sa nasabing insidente.
Sa ngayon nasa mahigit 5,700 mga barangay ang itinuturing na election watchlist areas ng PNP kung saan karamihan dito ay nasa Region 5.
Tiniyak ni Bulalacao na tututukan ng PNP ang naturang lugar dahil sa mainit na sitwasyon ng pulitika.