Walang itinaas na tsunami alert ang Philippine Institute of Volcanology ang Seismology (Phivolcs) matapos tumama ang magnitude 5.5 na lindol sa Sarangani, Davao Occidental biyernes ng umaga, Nobyembre 1.
Ayon kay Phivolcs director Renato Solidum, nasa halos 300 kilometro ang layo nito kaya hindi inaasahang magkakaroon ng tsunami.
Dagdag pa nito, malapit sa Talaud Island sa Indonesia ang lindol at dahil naramdaman ito sa Pilipinas ay kailangan pa rin nila itong itala.
Sa ngayon ay patuloy pa rin ang ginagawang monitoring ng Phivolcs sa mga lugar na tinamaan ng pagyanig.