Apat pang senatoriables ang sinusuportahan ng Pangulong Rodrigo Duterte.
Kabilang dito sina Ilocos Norte Governor Imee Marcos, re-electionist senators Cynthia Villar at Sonny Angara at Taguig congresswoman at dati ring senador na si Pia Cayetano.
Sinabi ng pangulo na sinuportahan siya ng mga naturang senatoriables kaya’t susuportahan din niya ang mga ito bagama’t hindi miyembro ng PDP-Laban Party ang mga ito.
Una nang inihayag sa publiko ng pangulo ang pag-suporta sa mga senatoriables na sina dating Special Assistant to the President Christopher Bong Go, dating Philippine National Police (PNP) chief at Bureau of Corrections (BuCor) Director Ronald “Bato” Dela Rosa at dating Presidential Adviser Francis Tolentino.