Sumailalim na sa training o pagsasanay sa pagamit ng mga online facilities ang mahigit 300,000 mga guro bilang paghahanda sa ipatutupad na distance learning sa darating na pasukan.
Ayon kay Department of Education (DepEd) Secretary Leoner Briones, sa kasalukuyan ay abala ang DepEd sa paghahanda para sa pabubukas ng klase sa Agosto 24.
Sinabi ni Briones, nag-umpisa na ang mga guro sa pagpapalakas ng kanilang mga skills o kakayan sa ilalim ng National Educators Academy of the Philippines.
Aniya, umaabot sa 1-M ang mga guro at non-teaching personnel ng deped na kinakailangang sumailalim sa training para sa ipatutupad na bagong pamamaraan ng edukasyon.
Samantala, sinabi ng DepEd na umaabot sa 60% ng curriculum ang isinaayos para sa blended o distance learning.