Tatlo pang pribadong petitioners ang dumulog sa Korte Suprema para hilingin na atasan ang Commission on Elections (COMELEC) na ipatupad ang voter verified paper audit trail o VVPAT sa halalan.
Maliban dito, binanggit nina Greco Antonious Belgica, Atty. Glenn Chong at Atty. Manuelito Luna na dapat paganahin ang iba pang security features at protektahan ang automated election system o AES.
Giit ng mga petitioners, nilabag ng COMELEC ang automated election law matapos ibasura ang VVPAT o ang pag-iisyu ng resibo sa botohan.
Una nang naghain ng isang hiwalay na petisyon sa mataas na hukuman si dating Senador Dick Gordon hinggil pa rin sa VVPAT.
By Jelbert Perdez