Nagpapagaling na lamang sa ospital ang may 25 pulis Crame makaraang himatayin sa formation kamakalawa.
Kasabay ito ng ika-116 na police service anniversary sa PNP National Headquarters na pinangunahan mismo ni Pangulong Rodrigo Duterte.
Ayon kay PNP Spokesman C/Supt. Dionardo Carlos, dehydration na dulot ng matinding init ng panahon ang dahilan kaya’t hinimatay ang mga naturang pulis.
Mahigit isang oras kasi aniyang nakabilad ang mga pulis habang naka-formation bago magsimula ang programa dakong alas 3:00 ng hapon gayung nakatakda sana ito ng alas 2:00 ng hapon.