(Updated)
Patay ang dalawa (2) katao at sugatan ang 12 iba sa pagsabog ng granada sa La Paz, Abra kaninang ala-1:30 ng madaling araw.
Nakilala ang mga nasawi na sina PO3 Carlos Bocaig at PO2 Frenzel Buneng Kitoyan.
Ayon kay Cordillera Police Director Chief Superintendent Ted Carranza kabilang sa mga sugatan si Abra Lone District Congressman Joseph Santo Niño Bernos at maybahay nitong si Mayor Menchie Bernos.
Nakita ang dalawang suspek na naghagis ng granada sa karamihan ng mga tao sa fiesta sa bayan ng La Paz at isinabay umano sa fireworks display sa town plaza ang pagpapasabog sa nasabing granada.
Naka-uwi na ang mag-asawang Bernos habang patuloy na ginagamit sa ospital ang iba pang sugatan na kinilalang sina Marc Rowjan Beronilla, Leyze Rose Pe Benito, Juanito Sales, Eva Marie Panagtay Sales at Darroll Azoi Gonzales, barangay captain sa South Poblacion ng Bucay, Abra.
Tinututukan na ng mga awotoridad ang anggulong pulitika sa naturang pagsabog.
(Ulat ni Jonathan Andal)