Masusi ngayong minomonitor ng mga otoridad ang 17 anyos na Chinese national na nasa isolation facility ngayon sa isang public hospital sa Kalibo, Aklan dahil sa sintomas ng novel coronavirus.
Ayon sa ulat, nagkaroon umano ng trangkaso ang dayuhan kung saan iniimbestigahan na ang naging travel history nito.
Samantala, isa ring 23 anyos na Filipino flight attendant ang iniimbestigahan at naka-confine din sa pagamutan sa Kalibo dahil sa iniinda nitong pananakit ng lalamunan o sore throat.
Na-admit sa ospital ang nasabing pasyente, simula pa noong nakalipas na huwebes at binibigyan ngayon ng antibiotics.
Maliban sa sore throat, wala nang ibang ipinapakitang sintomas ang Pilipinong pasyente.