Pinawalang sala ng Korte Suprema ang dalawang babae na hinatulan ng Korte dahil sa pagtutulak ng ipinagbabawal na gamot.
Ito’y makaraang baliktarin ng high tribunal ang mga hatol na guilty ng Batangas Regional Trial Court na pinagtibay naman ng Court of Appeals laban sa mga akusadong sina Marilou Hilario at Lalaine Guadayo.
Batay sa dalawampung pahinang desisyon na isinulat o pinonente ni Associate Justice Teresita Leonardo de Castro, hindi dapat ipagwalang bahala ang batas na nagbibigay proteksyon sa mga inaakusahan lalo na ang proof beyond reasonable doubt clause na bigong mailatag ng mga umuusig sa dalawa.
Dahil dito, inatasan ng high tribunal ang women’s correctional na palayain agad si Marilou Hilario maliban na lamang kung may iba pa siyang hinaharap na kaso para manatili sa kulungan.
Ulat ni DWIZ Patrol Reporter Bert Mozo
Posted by: Robert Eugenio