Aabot sa 18 preso na ang naitalang namatay dahil sa coronavirus disease 2019 (COVID-19) sa New Bilibid Prison at Correctional Institution for Women.
Ito’y batay sa tala ng Bureau of Corrections (BuCor) ngunit hindi pa tiyak kung kabilang na rito ang ilang high profile inmate.
Ayon kay BuCor Spokesperson Gabriel Chaclag, nais man nilang isapubliko ang buong detalye tungkol dito ay kailangan irespeto ang karapatan ng mga person deprived of liberty (PDL).
Ani Chaclag, kapag mayroong kaugnayan sa COVID-19 ang sakit o ikinasawi ng isang PDL, hindi ito maaaring idetalye.
Aabot na sa mahigit 300 ang kumpirmadong kaso ng COVID-19 sa Bilibid at Correctional, habang higit 300 din ang gumaling sa sakit.