Aabot sa mahigit 10,000 katao ang inilikas sa kanilang mga tahanan sa Berlin, Germany matapos madiskubre ang isang bomba na tinatayang naitanim noong World War 2.
Ang nasabing bomba ay inilarawang isang German bomb na may Russian detonator at may bigat na 250 kilos.
Dahil dito, inihinto na rin ang operasyon ng mga tren at hinarangan ang mga pangunahing kalsada habang isinasagawa ang pag-didifuse sa naturang bomba.
Matatandaang noong nakaraang buwan ay inilikas rin ang 60,000 katao matapos matagpuan ang isa ring bomba sa Frankfurt.
—-