Patay ang sampu (10) katao kabilang na ang apat na bata makaraang sunugin ng isang security guard ang isang nursery school sa Brazil.
Maliban dito, nagtamo ang apatnapung (40) iba pa ng sunog sa iba’t ibang bahagi ng kanilang katawan dahil sa insidente.
Batay sa inisyal na ulat, binuhusan ng suspek ng gasolina ang kanyang sarili at mga bata sa loob ng Innocent Children’s People Municipal Education Center ng at tsaka ito sinilaban.
Nagawa pang maisugod sa ospital ang mga biktima at ang suspek ngunit binawian din ang mga ito ng buhay.
Hinihinalang ang pagkakatanggal umano ng suspek sa kanyang trabaho ang naging dahilan ng panununog nito sa nasabing paaralan.
—-