Patay ang isang construction worker habang sugatan ang 4 na iba pa sa pagguho ng isang gusali sa Sevilla St. Cor 7th Avenue, Brgy 57, Caloocan City.
Ayon kay Caloocan City Department of Public Safety and Traffic Management (DPSTM) OIC Larry Castro tinitibag ng limang construction workers ang mga poste ng lumang gusali nang gumuho ito.
Ang tatlong biktima ay isinugod sa Caloocan City Medical Center habang ang isa naman ay hindi na dinala sa ospital matapos magtamo ng minor injury.
