Isa (1) ang patay habang 3 katao ang nailigtas mula sa tumaob na bangka sa lawa ng Taal sa Talisay, Batangas.
Batay sa inisyal na imbestigasyon, inimbitahan ng biktimang si Frederick Rivera ang 3 nitong kaibigan na lumangoy sa naturang lawa.
Habang nasa kalagitnaan ng lawa, pinasok ng tubig ang sinasakyang bangka ng mga ito.
Sinasabing tumalon sa lawa si Rivera dahilan upang mawalan ng balanse ang bangka at tumaob.
Agad namang rumesponde ang mga mangingisda at nailigtas ang 3 habang narekober namang wala nang buhay si Rivera.
Lumalabas sa imbestigasyon na naka-inom ng alak ang mga biktima bago sila nagtungo sa lawa para sana lumangoy.
By Ralph Obina