Isa pang mataas na opisyal ng NPA o New People’s Army sa Negros ang dinampot ng mga awtoridad sa Bacolod City.
Kinilala ni Captain Eduardo Precioso, Public Information Officer ng 303rd Infantry Brigade ng Philippine Army ang naaresto na si Rowena Navarro Quilop ng komiteng rehiyong Negros ng NPA.
Inaresto si Quilop ng mga tauhan ng PNP CIDG o Criminal Investigation and Detection Group, Bacolod City Police Office – Intellegence branch at Regional Operations Team sa bisa ng warrant of arrest na ipinalabas ng branch 60 ng Negros Occidental Regional Trial Court sa Cadiz City.
Nasa kostudiya na ngayon ng Negros Provincial Police Office sa kampo Alfredo Montelibano si Quilop at naisailalim na ito sa booking process at documentation.
By Jaymark Dagala | With Report from Jonathan Andal
Photo Credit: Wikipedia